لاتظن ...

مشاهدات



صدام جلوب شطب 


حبيبي ولاتظن فد يوم أجافيك 

نشّف دمعتك شلَّك بالأحزان

أحبك والله أحبك وبروحي أفديك

واليگلك مايحبك گله غلطان

كون بوسط گلبي أضمّك من الاگيك

وأغطيك بحنان وتبقى دفيان

أطلب وشماردت صدگني انطيك

يرخصلك الغالي ياأغلا أنسان

بالگلب والجسم والروح أفديك

والنظر أخذه ولاتفكر بيه حيران

أحتار آنه وبيش ألاگيك

جبت گلبي هديتك وآنه خجلان 

أموت ولاغيري يمر بيك 

أحج الليل لجلك وأبقى سهران

عالعهد باقي وبصوتي اناديك 

حبيبي لاتجافيني آنه الشوفتك والهان .

إرسال تعليق

0 تعليقات